1488. Oktober 31. Czarnowanz

Reverendo in Cristo patri et domino d. Johanni Abbati monasterii sancti Vincencii extra muros Civitatis Wrat. ord. Prem. domino et patri nostro gracioso, Hedwigis priorissa, Agnes Chottulinska suppriorissa, Margaretha Chottulinska, Katherina circatrix, Febronia cantrix, Dorothea Skarbiczska, Dorothea Niewodniczska, Margaretha advocatissa Vyesdensis succustrix, Anna succentrix, Katherina Kalinowska, Elisabeth Rudgerzowna, Hedwigis Wachowska, Dorothea Walczerowska, Katherina Skorkowska totusque Conventus Sanctimonialium ord. Prem. Mon. Domus dei prope Czarnowuns, debitam reverenciam obedienciam oracionibus cum devotis. Reverende pater et domine graciose. Vacante prepositura monasterii predicti Domus dei per liberam et voluntariam resignacionem Honorabilis viri domini Johannis ultimi et inmediati ibidem prepositi et prelati Super eleccione novi prepositi fienda ad pulsum campane Capitulariter congregate Honorabilem virum dominum Andream de Wanse Juris canonici Bacc. fratrem eiusdem ord. Prem. Unanimiter concorditer per vocem quavis absque discrepancia in nostrum prepositum et prelatum dicti monasterii Domus dei elegimus nominamus et deputamus presentibusque elegimus et nominavimus Paternitati vestre pro et cum eo precibus supplicantes cum humilimis Quatenus eundem per nos sic ut premittitur Capitulariter electum et nominatum Reverendissimo in Cristo patri et domino d. Johanni Episcopo Wrat. aut ipsius reverendissime paternitatis in Spiritualibus Vicario generali presentare dignemini graciose. Datum et Actum in Refectorio dicti monasterii Sanctimonialium Domus dei prope Czarnowuns feria sexta in vigilia Omniumsanctorum Anno domini m°cccc° lxxxviij° Sigillo Domus dei subappenso Presentibus ibidem Discretis Religiosis et Circumspectis viris dominis Paulo et Jacobo fratrum eiusdem ord. Prem. Necnon Adalberto Pfyol Custode, Augustino et Nicolao ord. S. Francisci fratrum minorum monasterii beate et gloriosissime virginis Marie in Oppol ac demente Osscheczsky capitaneo, Andrea Kobirual opidano in Oppol Et aliis fidedignis, et me Jacobo de Oppol Notario publico.

Im Archiv von S. Vincenz. mit anhangendem Siegel, aber eingeschnitten.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.